ما نزلت دمعتي علة البنات ابنوب

بس انتي الوحيدة النزلت دمعي

مدري جي عشكت وجي جنيت اهموم

وخليتيني اصيح ابصوت بس رجعي

مدري جي وحيد وكاعد اني اليوم

وخليتي المدامع تنزل وتجري

مو طبع الزلم تبجي وتنوح هواي

بس ليج المدامع كلنهر تسري

ولو انتي وردة واني نهر الشوك

ارويج واكلج يلله بس زهري

1.  (6)abbas fuad

1. 
   

         عذاب الحب

موحتة الاكل ما كمت اكل

من كثر التعب وكثر المشاكل

وجسمي صبح مئوة للمراض

ولا هو ضغط صاعد ولاهو نازل

اسولفلك حبيبي قهر اليام.....

وكثر التعب وكثر اللام

وصدكني حبيبي الليل مانام

 صبح ليلي هوس مخلوط بوهام

يا أوهام حبج لا تدني علي

مطرودة اكلج يللة بس ولي

ما خلصت سهري وخلصت دمعي

واذا رت العشك ادنة من بابة

وماريد المشاعر الي جذابة

اريد الحب يبين يفتح ابوابة

ومعروف كلب اليحب مايخون احبابة

    abbas fuad

دموع سارية

ما نزلت دمعتي علة البنات ابنوب

بس انتي الوحيدة النزلت دمعي

مدري جي عشكت وجي جنيت اهموم

وخليتيني اصيح ابصوت بس رجعي

مدري جي وحيد وكاعد اني اليوم

وخليتي المدامع تنزل وتجري

مو طبع الزلم تبجي وتنوح هواي

بس ليج المدامع كلنهر تسري

ولو انتي وردة واني نهر الشوك

ارويج واكلج يلله بس زهري

1.  (6)abbas fuad

               قدري حال

ولج جننتي حالي ليش هيج اليش

صبح ليشوفني ايكلي انتة مجنون

مجنون العشك وبنصة حيران

تبجي علة العشك خي عون العيون

وتانيتة علة جرحي واني خجلان

لن ليحب حبيبة ابد ميخون

وانة ابحبك ابد ماخنت ابنوب

وبحبك ولك صرت اني مجنون

واذا انتة تحبني قدر الحال

ولا تطلب مطالب بعلو الجبال

مو كلمن ركب علخيل خيال

ولا كلمن لبس العكال رجال

لن جوهرت الزلم مو بلملابس

ولا كلمن ركب علخيل فارس

واذا دورت زين ابنص الرجال

تلكاني بطل وبلا منافس

abbas fuad

عنوان القدر                                       (1)

يا عنوان دربي البعيد

يادمعة تنزف كلـــمطر

أحببتكي انتي  فـــــيه

كما تحب الزهور الشجر

يادمعة نادت بها السماء

كما نادئ لها الــــقدر

هنا نــــشـــأ حــــــبنا

وهــــــــنا الورد انـــــتثر

وهنا فارقنا الزمــــان

كما فارقنا الــــــــسفر

فهذه ارض الــــــــقاء

ولم يبقئ الا الــــنظر

قلبي غريب بعدكي

فبحبكي هو استتر

فهنا هي ارض الوفاء

وهنا حبنا انتصر

للشاعر:- عباس فؤاد الساعدي

معاتبت وطني

(العراق)

شكلك ياوطن ونتة وطن الاوطان

ضيعت الفرح بين المكابر

جنت انتة ملك وهسة صرت دفان

كمت تطعن شبابك بس خناجر

ضيعت ابتسامة وجبت بس أحزان

 مو حتة سكت صوت المنائر

يا ارض الوفة ويا خيرت الاوطان

صرت مثل الحسين ابليلة العاشر

شباب علة الثرة موسدة بلجفان

وعطشان الطفل ولضعن حائر

بس انتة الحضارة ومنبع الاوطان                     

عراق الزود بيه تهتف حناجر                           (19)

ترجع يا عراق وتحقق الاحلام

ويعلو منبرك بين المنابر

وننسة كل رموز الطغة ولازلم

وتصير انتة رمز لكل رجل ثائر

وتصير انتة رمز لكل رجل ثائر

abbas fuad7@yahoo.com

الموقع الرسمي للشاعر

عباس فؤاد الساعدي

الصداقة والاخوة

الصداقة ولاخوة مجمع اثنين

مبنية بوفاء ودمعة العين

واذا ردت الصداقة صادق الزين

وعوف الما يوافي ولتعاشر الشين

والصداقة و الاخوة منبع اخلاص

 ومثال علة الاخو عباس لحسين

دنك علنهر حد يشرب الماي

وتذكر عطشك يابو الميامين

قط الماي ابد ما شربة بنوب

وفدة خوتة الة بكطعت الجفين

وهاك اخذ الوفة منذولي وشوف

الصداقة ولخوة عشرت اسنين

ولا تزعل اجيت اليوم اراظيك            

صداقتكم علي تسوة الملايين

ولا تزعل ترة تقهرني والله

ترة كلنة سنة سنتين ميتين

abbas fuad

دارمي

بــــعدك حبيبي الروح تعب أحوالي

سهران طول اليل وبجي علة حالي

دمعي عليك ايسيل بسبب هـــجر ك

ومن عمري يلمحبوب انطيه لعمرك

دمعة تصيح عليك ارجع ياغالي

لآتظن انتة ابعيد انــــتتة علبالي

امشي وافكر بيك وحجي وية روحي

كلما افكر بـــيك زادت اجــــروحــــي

عندي جرح يا ناس وجرحي دوه الملح

سهران يكضي الليل وينام وكت الصبح

ضياع عمري

صبح عمري جكارة مورثة وية الروح

وكلـــماهو تــــــــــقدم خلص باكيــــتة

ومــــــن دونة حياتي بس الم وجوح

وكل عمري انـــة المـــــحبوب تانيتة

ويا دمعة وفة وظلت عليه اتـــــنوح

وما يعرف احد شكد اني حــــــــبيتة

وما يدري البعد خلة الكلب مجروح

وبيت منلحزن ابكلبي ســـــــويـــتة

وما يـــــدري معزتة بلكلب ولروح

انــــسة الدنية كلهة ولة مــــــنسيتة

كلمة في نصف القصيدة

 شكلج ونتي روحي         وعمري ما يسوة بدونج

ونتي كلمة بنص قصيدة       ولقافية تكصد عيونج

ونتي طيف الضيعاني            وبلبعد شكد رافكيتة

عفت اني الدنية كلهة            وبس الة اني اجيتة

  انتي وردة بنص حديقة            ولـعطر منج يفوح

 والله لو عفتيني مرة             ليلي بس ابجي وانوح

انتي عنوان القصيدة             ونتي الهة المستهل

وروحي مجنونة علة حبك      ولا مسج منك وصل

ونتي احلة من الجمال          وبس الج يحلة الغزل

واني لو خنتك حبيبي           لروحي اسوي معتقل

روحي التي سلبت

ياربي مو عندك مللك ياخذ الروح

ليش ترضة انسان ياخذ روحي

بلبعد يا ربي شوفني العذاب

وبغيابة علي زادت اجروحي

 عشكتة من عالم الارواح

وقبل ما ينبعث ادم ونوحي

يا ربي البعد قد زاد الام

وخلاني أحس ابروحي مو روحي

 abbas fuad

عيد الحب ولبعد

كرهت الليل من بعد الليالي

 ونتة اشلون كظيتة يا غالي

عيد الحب حبيبي شلون سويت

صح ابعيد بس انتة علبالي

سهر الليل ابجي بكل الشواك

حبيبي ابعيد بس صورتة اكبالي

دمع بلعين يصرخ حيل ناداك

دقيقة افراك يصبح دمع جاري

abbas fuad7

هذي هي شكواي

ما أشكي حب الكلب

بل اشكي حب الروح

يا كلب لالا تون

وزيد روحي جروح

ارجوك عوف الحزن

ونرجع الافراح

ونكول الماضي مضة

ونعوف كل الراح

ونكول الماضي مضة

ونعوف كل الراح

abbas fuad7

قلمي الحائر

شلون اكتب دمعة علخد من تطيح

ولكلب محطوط علحد كلذبيح

يا جريح التحجي عنة يا جريح

البعد بينك وبيني صبح جلاد الزمان

بصوطة يضربني علة صدري كلما نبع مني الحنان

يا زمان الضيعتني بين اهواء النصاب

بلبعد كطعت ايدي وهم بعد يكطع ركاب

لا بعد ما تكطع ركاب وبعد ما طلع حراب

بلعشك اني علنت هذا الجواب

الة احبن الة اشوفن حب حبيبي يكف بكل الابواب

abbas fuad